Imaxes da Verbena Sinfónica celebrada o 30 de agosto de 2024 na Praza do Seixo.
O espectáculo ofreceu ao público unha experiencia única na que a tradicional verbena galega foi protagonista coa súa mestura de xéneros musicais como o chachachá, a copla, o pop ou o rock e estará enriquecida pola elegancia da música sinfónica. Unha noite de verán máxica chea de música e emocións baixo a dirección musical e os arranxos do mestre e pianista Alfredo Susavila, que reúne a talentosos artistas para crear unha experiencia única.
Os vocalistas Silvia Ferre e Pedro Regueira, acompañados polos instrumentistas Carlos Calviño nas guitarras, Pachi Cruz no contrabaixo e no baixo eléctrico, Carlos Bastón na batería e o propio Alfredo Susavila no piano e teclados, únense para ofrecer un espectáculo cheo de enerxía e creatividade. Unha formación á que se suma a nosa banda baixo a batuta do mestre Pedro Villarroel.
